Toʼlov intizomini mustahkamlash orqali qarzdorlikni kamaytirish, energiya tarmoqlariga noqonuniy ulanish, sud va boshqa organ hujjatlarining ijrosini taʼminlash kabi vazifalarini bajarish Byuro xodimlariga ham oson kechmayapti.

   Jumladan, Byuroning Sherobod tuman boʼlimi davlat inspektorlari А.Eshonqulov, S.Fozilov va P.Taylanovlar birgalikda 2019 yil 29 iyunь kuni soat taxminan 11-05 lar chamasi tumandagi “Gʼoʼrin-Gilambob” mahallasi “Doʼstlik” koʼchasi 112-uyda yashovchi B.Normurodovning yashash xonadonida isteʼmol qilingan elektr energiyasi boʼyicha qarzdorligini aniqlash yuzasidan koʼrik (obxod) oʼtkazayotgan vaqtida, xonadon egasining farzandlari E.Berdimurodov, U.Normurodov va L.Normurodovlar birgalikda xizmat vazifasini bajarayotgan boʼlim davlat inspektorlarining qonuniy faoliyatiga faol qarshilik qilishib, davlat inspektorlari А.Eshonqulov va P.Taylanovlarning duch kelgan joylariga urib, tan jarohati yetkazishib, xizmat faoliyatini bajarishdan voz kechishga majbur qilgan.

   Hodisa joyiga tuman prokurori S.N.Maxmanov, tuman prokuraturasi tergovchisi X.Аzimov, tuman IIB boshligʼi M.Qoʼngʼirotov, tuman IIB EKG eksperti X.Xudoyarov va boshqa tergov tezkor guruhi aʼzolari chiqishgan.

 Tuman sud-tibbiyot ekspertizasining 03.07.2019 yildagi 334-sonli xulosasiga koʼra, davlat inspektori А.Eshonqulovga “Sogʼlikning buzilishiga sababchi boʼlgan yengil tan jarohati” va 335-sonli xulosasiga koʼra, davlat inspektori P.Taylanovga “Engil” tan jarohati yetkazilganligi aniqlangan.

  Mazkur holat yuzasidan 03.07.2019 yilda tuman prokuraturasi tomonidan fuqarolar E.Berdimurodov va L.Normurodovlarga nisbatan JKning 219-moddasi 2-qismi bilan jinoyat ishi qoʼzgʼatilib, JPKning 221-moddasi tartibida ushlanib, tergov harakatlari olib borilmoqda.

Davlat ramzlari

MIB boshqarmalari

Foydali havolalar