Joriy yilning 09 sentyabr kuni ijtimoiy tarmoqlarda tarqatilgan “Tadbirkor: 12 yil avval qonuniy sotib olgan mulkim tortib olinmoqda” nomli joylashtirilgan xabar yuzasidan

 

Mazkur xabarda, fuqaro Samandar Toʼraev, 20.12.2007 yilda Shahrisabz tumanlararo material texnika taʼminoti jamiyati raisi Аʼzam Vafoevga tegishli omborxonani 20 million soʼmga sotib olgani, keyinchalik ushbu omborxona 28.09.2018 yilda 297 mln. 822 ming soʼmga qayta sotilgani, omborxona binosida tadbirkorlik faoliyati bilan shugʼullanib, 10 nafar ishchi oʼtni yaratgani, yana qoʼshimcha 70 ish oʼrinlarini yaratish niyati borligini, biroq Byuroning Shahrisabz tuman boʼlimi xodimlari hozirda, ushbu binodan chiqishni talab qilayotgani, bu esa faoliyatini toʼxtatishga olib kelishi mumkinligini bayon qilgan.

Oʼrganishda, fuqarolik ishlari boʼyicha Shahrisabz tumanlararo sudining 2019 yil 14 maydagi ijro hujjatiga asosan qarzdorlar S.Turaev, F.Shodiev, А.Shodievlar hamda yakka tartibdagi tadbirkorlik faoliyati bilan shugʼullanuvchi “Shodiev Fazliddin Samandar oʼgʼli” va “Fazliddin Asilbek Hamkorlogi” oilaviy korxonasiga tegishli mulklarni - Shahrisabz tumani, “Oʼrtaqurgʼon” MFY, Oʼrtaqurgʼon qishlogʼida joylashgan daʼvogar А.Suyarovga tegishli omborxona, bino inshootlari hamda ular egallagan yer maydonidan majburiy tartibda koʼchirib chiqarish toʼgʼrisidagi ijro hujjati Byuroning Shahrisabz tuman boʼlimiga 01.08.2019 yilda kelib tushgan.

Ijro hujjati boʼyicha ijro harakatlari davrida, qarzdor S.Turaev tomonidan ijro hujjatining talabi ixtiyoriy ravishda bajarilmagan va 20.08.2019 yilda ijro harakatlari majburiy tarzda olib borishligi haqida ogohlantirilgan.

Biroq, qarzdor S.Turaev majburiy ijro harakatlari olib borishi belgilangan kuni ishtirok etgani sababli, ijro harakatlari boshqa kunga qoldirilgan.

Davlat ijrochisi tomonidan 2019 yil 06 sentyabrь kuni soat 1400 da majburiy ijro harakatlari tayinlanib, daʼvogar А.Suyarovga tegishli omborxona, bino inshootlari va yer maydonidan qarzdorlar F.Shodiev, S.Turaev va А.Shodievlar hamda ularga tegishli omborxonadagi mavjud boʼlgan tokarlik stanoklari, temir boʼlaklari, avtomashina ehtiyot qismlari, avtomashinalarni yuvish uskunalari majburiy tartibda chiqarilgan.

Bu haqda rasmiylashtirilgan hujjatlarga tomonlar imzo qoʼyib, eʼtiroz bildirishmagan va ijro harakatlari davomida qonun buzilish holatlari sodir etilmagan.

Ijro hujjati amalda joriy yilning 07 sentyabrь kuni Oʼzbekiston Respublikasi «Sud hujjatlari va boshqa organlar hujjatlarini ijro etish toʼgʼrisida»gi Qonuni 41-moddasining 1-qismiga asosan tamomlangan.

MIB boshqarmalari

Davlat ramzlari

Foydali havolalar