Joriy yilning 23 avgust kuni xorijiy ommaviy axborot vositalarida tarqatilgan “Fargʼona-MIB bilmay qolgani uchun turmush oʼrtogʼim aliment toʼlamay yuribdi” nomli maʼlumot yuzasidan

 

  Fuqarolik ishlari boʼyicha Fargʼona tumanlararo sudining 03.03.2018 yilgi qarzdor U.Djoʼraevdan undiruvchi Z.Djoʼraeva foydasiga 1/3 qism miqdorida aliment undirish haqidagi ijro hujjati Byuroning Quva tumani boʼlimiga 12.03.2018 yilda kelib tushgan.

    Ijro hujjati Byuroga kelib tushguniga qadar qarzdor U.Djoʼraev Qozogʼiston Respublikasiga ishlaganligi ketganligi aniqlanib, bu haqida 18.04.2018 yilda dalolatnoma rasmiylashtirilgan, 2019 yilni mart oyiga qadar 1 yil davomida aliment toʼlovlari amalga oshirilmagan.

   Аliment qarzi qayta hisoblanib, qarzdor aliment qarzini toʼlamaganligi sababli, unga nisbatan toʼplangan hujjatlar Byuro tomonidan maʼmuriy sudga taqdim qilingan.

   Quva tuman maʼmuriy sudining 11.03.2019 yildagi qaroriga koʼra, qarzdor U.Djoʼraevga 5.302.666 soʼm aliment qarzini toʼlamaganligi sababli, Oʼzbekiston Respublikasi MJtKning 47-4-moddasiga asosan 15 sutka maʼmuriy qamoq jazosi tayinlangan.

   Jazoni oʼtab chiqqan qarzdor U.Djoʼraev keyinchalik ham aliment qarzini toʼlamasdan kelganligi sababli, 20.05.2019 yilda davlat ijrochisi tomonidan qarzdorning yashash manzili oʼrganilgan va uni ijro hujjatida koʼrsatilgan manzilda yashamayotganligi, MFYning maʼlumotida qarzdor U.Djoʼraev 2019 yil may oyi boshida Qozogʼiston Respublikasiga ishlash uchun ketganligi aniqlangan, lekin davlat ijrochisi N.Islomov qarzdorga nisbatan Oʼzbekiston Respulikasidan chetga chiqish huquqlarini cheklash va qidiruv eʼlon qilish choralarini koʼrmagan.

  Davlat ijrochisi N.Islomov boshqarma boshligʼining 04.06.2019 yilgi buyrugʼiga asosan lavozimidan ozod etilib, Byurodan xizmatdan boʼshatilgan.

   Qarzdorning alimentdan qarzi 01.08.2019 yil holatiga 6.512.666 soʼmni tashkil qilib, ushbu qarzdorlikni undirish maqsadida 19.08.2019 yilda qarzdorning yashash xonadoni boʼlgan Quva tumani, “M.Xasanov” MFY, А.Qodiriy koʼchasi oʼrganilganda qarzdor Qozogʼiston Respublikasiga ishlash uchun chiqib ketganligi va uyida emasligi yaqin qarindoshlari orqali aniqlangan, bu haqida 19.08.2019 yilda MFY ishtirokida dalolatnoma rasmiylashtirilgan.

   Yuqoridagilarga koʼra, 19.08.2019 yil kuni davlat ijrochisi tomonidan qazdorning chetga chiqish huquqlari cheklash hamda unga nisbatan qidiruv eʼlon qilish haqida qaror qabul qilinib, ijrosini taʼminlash uchun Byuroning Аxborot taʼminoti va qidiruv boʼlimi hamda tuman IIBga qarorlar taqdim qilingan, hozirda qarzdorni qidirib topish ishlari olib borilmoqda.

Davlat ramzlari

MIB boshqarmalari

Foydali havolalar