Мажбурий ижро бюросининг Бойсун туман бўлими давлат инспектори Алиқулов Отабек 2019 йил 29 июнь куни соат 13:50 ларда Бойсун тумани “Сангчил” МФЙ ҳудудида хизматини  ўтаб юрган вақтида “Сангчил” МФЙ ҳудудидан ўтувчи “Кўрган” дарё четида турган 2013 йилда туғилган Жўрамахмудов Рамзиддин Фахриддин ўғли эхтиётсизлиги оқибатида тез оқиб турувчи дарёга тушиб кетиб, оқаётганлигини кўриб қолган. 

   Шундан сўнг, МИБ давлат инспектори О.Алиқулов Чамаси 300 метргача унинг ортидан югуриб, сувга ўзини ташлаб, оқиб кетаётган вояга етмаган боланинг сувга чўкишдан қутқариб қолган.

    Болага биринчи тез ёрдамини кўрсатган ҳолда СангчилҚВП биносига ўзининг “Matiz русумли машинасида олиб борган. Шифокорлар томонидан болага кўрсатилган тез тиббий ёрдам муолажасидан кейин вояга етмаган Жўрамахматов Рамзиддиннинг ахволи яхшиланган.

  МИБ ходимининг бу жасоратли ҳаракатидан “Санчил” МФЙ фуқаролари ва вояга етмаган боланинг яқин қариндошлари МИБ ходимидан миннатдор.   

Фойдали ҳаволалар